يا إمّي تَرَكونا جثث مع أعداء الله سنين ليعيش فسادن وكذبن!

- الجيش الإسرائيلي: مقتل ضابطين برتبة رائد وإصابة ثالث بجروح خطيرة وسط قطاع غزة أمس - توقيف سوريين، أحدهما ناطور سابق في المبنى، سرقا منزل سيدة في خلدة وضبط مسروقات بقيمة 24 ألف دولار - أوجيرو: اضطرابات في الوصول إلى بعض المواقع و الخدمات الإلكترونية - توقف مباراة الرياضي والحكمة قبل نهاية الشوط الثاني من نصف نهائي بطولة "وصل" - غرب آسيا لكرة السلة بسب احتكاك بين جمهور الرياضي وعدد من أعضاء نادي الحكمة - الجيش يعلن توقيف ١٠ أشخاص في مناطق مختلفة ضمن إطار التدابير الأمنية - الملك الأردني: الأردن لن يكون ساحة معركة لأي جهة - الجيش الأردني: مستمرّون في تنفيذ دوريات وطلعات جوية مكثفّة في سماء المملكة لحماية مجالنا الجوي - وزير الدفاع الإسرائيلي يوآف غالانت متوعدا إيران: إسرائيل تعرف كيف تضرب عدوها - الجيش الإسرائيلي يدعي أنه قضى على قائد الوحدة الصاروخيّة في القطاع الغربي لقوة الرضوان التابعة لحزب الله - شركة "فلاي دبي" للطيران تعلّق كل الرحلات المغادرة من دبي حتى صباح الأربعاء بسبب الطقس السيء - "الوكالة الوطنية": أغار الطيران الحربي الإسرائيلي على منزل في بلدة ياطر مما أدى الى تدميره بالكامل دون وقوع إصابات - رئيس مجلس النواب نبيه بري ردا على النائب باسيل: جبران "في كتابه" يريد أن يفصل جبهة الجنوب عن غزة "وهيدي ما بتزبطش"

الاكثر قراءة

تعميم صورة مشتبه به بالتعدي على عدد من القاصرين

يروّج المخدّرات برفقة زوجته على متن سيّارة

مختارات


					يا إمّي تَرَكونا جثث مع أعداء الله سنين ليعيش فسادن وكذبن!

كتبت الإعلامية ريما نجيم رسالة وجهتها الى كل أم شهيد كان ابنها في عداد العسكريين المخطوفين والتي وجدت رفاته اثر معركة فجر الجرود ووضعت "نجيم" نفسها مكان الجندي الذي اسشتهد واستُعمل كورقة تفاوض وبخبث وبجريمة اخفى المسؤولين معالمها وأرفقت رسالتها بصور للشهداء وامهاتهم جاء فيها:

يا إمّي ما تبكي …
من الـ٢٠١٥ وانا مستشهد ومن جوار الرب عم صلّيلك وإدعي يا رب لو فيك تردني دقيقة لاحضان إمّي أغمرك انا الغمرة الاخيرة وخبّرك انا الحقيقة وامسحلك دموعك بإيديّ …
من سنتين وانا خايف من هاللحظة جِرحك بقلبي يا أُمِّي
كنت شوف الأمل بعيونك
كنت اسمع صلواتك وادعيتك "ارجعلك بالسلامة"
كنت شوفك كيف عم تتبهدلي تحت خيمة
بركي اصحاب الضمائر الميتة بأعجوبة بتوعا وبتقول الحقيقة وبتوفّر عليك

شتي وبرد وشوب وإهانات
يا إمّي انا عارف حالي يمكن استشهد باي معركة انا جندي كل يوم كنت عايش انا والخطر وشبح الوطن
كنت كل يوم بوسك البوسة وافتكرها الاخيرة
وكنت كلما ارجع تحتفلي فيّ كأني خلقت من جديد
يا إمّي، هالمرة كمان انا خلقت من جديد
بس اللي حارقني
دموعك يا إمّي …
وجعك موجّعني مرتين
مرّة عليك يا كبيرة البيت يا حبيبة القلب والعمر والايام
ومرّة على حكام هالوطن
اللي استعملونا نحنا الأبطال ورقة تفاوض وبخبث وبجريمة اخفوا معالمها وحقيقتها عنّك
لعبوا بعواطفك يا ماعطوكي أمل كذاب لتعيشي لهالنّهار وتموتي موت مفاجئ
وهنّي يجوا يعزّوكي بابنك البطل !

يا إمّي تَرَكونا جثث مع أعداء الله سنين
يا إمّي مش هيدا" لبنان" اللي أقسمنا نستشهد كرمالو
هيدا لبنانن هنّي مستعدّين يقتلوا كلّ شي فينا
ليعيش فسادن وكذبن وثرواتن وعلاقاتن المحلية والإقليمية
يا إمّي ، قولي لابني إنّي استشهدت عنّو وعن كل اصحابو ليعيشوا متل ما بيحبّو
مش متل ما بيريدوا "أعداء الله" …
وقوليلوا جوّا يا بييّ في أعداء اكتر من برّا …
يا إمّي ، هيديك الأيام كانت صعبة وما بتتخبّر بتفاصيلها
يا إمّي نحنا كتير مرتاحين هون
يللي موّتنا … موت تاني،
موت وطن …
موت عدالة…
موت ضمائر …
يا إمّي ، كل ما يجي سياسي ياخد بالخاطر بكرا
اطردي برّا لان أصدقهم كذاب
وإذا استقبلتي قوليلوا ابني استشهد كرمال
وطن اسمو لبنان
كرمال حلم اسمو لبنان
مش كرمال أمثالكن يا خونة الوطن
وأوعا حدا يقول قدامك كلمة " دولة " …
قوليلوا بشموخ وكبر اليوم بدفُن رُفات ابني البطل
وبدفن معها دولة بكاملها …وخذي بالخاطر عنّي …
ابنك البطل
شهيد الدولة
وما تنسي تقوليلن …مبروك "النصر"

تابعوا آخر أخبار "Radar Scoop" عبر Google News، اضغط هنا

ريما نجيم |

2017 -

آب -

شارك هذا الخبر