راشيل الحسيني: شكراً... انشاالله بصير معك نفس الشي

رصد رادار سكوب

2020 -

آذار -

بعد تعرضها لوعكة صحية أثناء ظهورها المباشر في نشرة الأخبار من منطقة المصنع حيث سقطت أرضاً بعد شعورها بدوارا وانخفاضا في ضغط الدم، فجّرت المراسلة في قناة الجديدة الإعلامية راشيل الحسيني غضبها من خلال منشور على صفحتها الخاصة حيث انتقدت خلاله كل الذين تصرفوا معها بأنانية وتنمر وجاء في المنشور:

"شكراً للعالم المأذية.. شكراً لكل يلي تصرف بأنانية وتنمر شكراً للدكتور يلي طلب انزل بسيارة عادية ع المشفى مش بسيارة الصليب الأحمر بس لأنو خايف يطلع صيت انو عندي كورونا وهو ينشك فيه لأنو فحصني ..شكراً للمراسلة يلي شافتني عم ببكي لأني خايفة وبس لأن قلتلها ما تصوري قلتلي "بدك تروقيها شوي علينا" شكراً للعالم يلي عنجد ما بتحس بالآخرين ولا بتحس بشو عم يفكرو أو يحسو ..أنا من شوي بفتح تلفوني بلاقي تعليقات ورسايل كتير بتجرح عم توصلني .. عم تتنمروا عليي بظرف انا بحياتي كلها ما تمنيت انحط فيه!! مش ح قول شو عم ينحكى بس انا من هون لبكرا في ١٠٠ وسواس براسي.. وبس عم فكر وصلّي وقول يا رب يكون عندي أي شي بس مش شي بيعدي متل كورونا بس و١٠٠ بس كرمال أمي يلي هي عندها مشكلة بالجهاز التنفسي.. انا مش عم بحكي ك راشيل الصحافية انا عم بحكي ك راشيل الانسانة ومن قلبي لكل شخص تنمر عليي بهيك ظرف الله لا يسامحك وانشاالله بصير معك نفس الشي بس لتحس بالآخرين .."

تابعوا آخر أخبار "Radar Scoop" عبر Google News، اضغط هنا