غرّدت الاعلامية ديما صادق عبر حسابها على “تويتر” مرفقةً بصورة لبشر الجميل بذكرى خروج الجيش السوري من لبنان، قائلة: “لك عّم تشمتو بشعب مات منو فوق ال 500 الف واكتر من نصو مهجر، وجزء كبير منو فضل يحط ولادو بعبارات مهترية بالمحيط بلكي يلاقي فرصة للهرب من جحيمو؟! هيدا كمان احتفالا بذكرى انسحاب المحتل السوري؟ لك انتو شو؟ اَي نوع بشر انتو؟!!!! حسبي الله ونعم الوكيل! حسبي الله ونعم الوكيل!”
فجاءها الرد من المرشحة عن مقعد الروم الأرثوذكس على لائحة حزب القوات اللبنانية في المتن الإعلامية جيسيكا عازار التي قالت بدورها: “نحنا نوع بشر منقول الحقيقة وما منخاف، نحنا نوع بشر حافظين تاريخنا وهاي الجملة من الثمانينيات، وهيدا اكبر دليل انو كلام بشير الجميل ما بموت مع السنين. وما في ضرورة لتغذية الحقد واتهامك لفئة كبيرة من الناس بالعنصرية. راجعي تاريخ بشير قبل ما تبهدلي الناس! مراجعة التاريخ بتفيد!”
فما كان من صادق إلّا أن ردّت من جديد قائلة: “لك يا جيسيكا خلينا ساكتين، لك مرشحة عَل انتخابات تويت ما بتعرف تكتب و كل البلد عارف مين بيكتبلك ياهون. لك كلمتين ما بتعرفي تصفي عبعض وبدك ياني رد عليك بالتاريخ؟ لك ما ردو عليكي قبل وبخعوكي قبلي بهل موضوع، شو كان بدك بهل فوتة معي”.
تابعوا آخر أخبار "Radar Scoop" عبر Google News،
اضغط هنا