تعا ننزع الحقد من قلبك وقلبي... تيضل لبنانك ولبناني

2017 -

أيلول -

يا أهل الوفاء ... بس بالوطن لا تلعبون... والله الوطن غالي صدقوني ...
نحن أهل الوفاء... إسألوا أهلي وخلاّني هنّي يلّي بيعرفون...
أنا بحبي للوطن متطرّف بالفخر... لبناني وما بيقدروا يغيروني...
أنا عراقي الأصل... تركي الفصل... كرديّ الملامح... والعزم سرياني

أنا شربت من نهر دجلة ... والنيل... ومن النهد شربان الحليب الشامي...
انا ديني محمد... ومكة قبلتي... والأقصى فؤادي... ودم العروبة يجري بشراييني
أنا ألبي ندا الوطن وبالدم نفديه... وقت الكنا أنسى أنّي محامي
أنا إبن طريقة... وصاحب الأحرار... وجدي شيخ بدون عمامي

أنا جدي الخطاب عمر... حب الوفاء والإخلاص أعطاني
أعشق علي الكرار... وفاطمة الزهرا والمجتبى والعسكري بالحق وصّاني...
وأعشق عيسى المسيح ومريم البتول... وأُقبل وجهها النوراني...
أنا من يبتسم ثغري ... تضحك ولاية... ومن آكل خنجر بظهري ما تنزل دمع من عيوني...

إسأل عنّا ساحات الأحرار... ساحات الرجال... ما أظن انها تنساني....
ساحة رياض الصلح ... والشهدا... يلي بالدمع بالورد تلقاني
أنا أمي وأبي وأختي وأخي... وحتى الجنين نقدموا قرباني...
بموت الشهداء والأبطال.. انا حفار القبر تلقاني...
تعا ننزع الحقد من قلبك وقلبي...
تيضل لبنانك ولبناني...

تعا نفدي الوطن بالدم .. لأن راح الوطن ... راح قدامك وقدامي..

تابعوا آخر أخبار "Radar Scoop" عبر Google News، اضغط هنا