إبنة ممثلة قديرة في ذمة الله.. وشقيقها الإعلامي يروي قصتها المؤثرة

رصد رادار سكوب

2022 -

تشرين الأول -

غيّب الموت، اليوم الأحد، جمانة محمد سعد الدين دمج، نجلَة الممثلة اللبنانيّة القديرة الراحلة آماليا أبي صالح وشقيقة الصحفي اللبناني الزّميل ربيع دمج.

وفي هذا السياق كتب الزميل ربيع دمج ، "هيدي اختي ..بيولوجيا لا بس انسانيا ايه..امي تبنتا بعد ما امها لجسيكا توفيت بحادث..وقبل ما امي تتجوز..ولما حبت البابا وقررو يتجوزو قلتلو بدي خليها معي وافق ..كانت اول بنت لاهلي قبل ما يخلق خيي وليد وانا وبعدين زياد ..هي ربتنا وربيت معنا ومع ولاد اخوتي بعدين....كان حلما الوحيد انو يصير عندا وراق لتقدر تشتغل وتعيش مرتاحة..كتير كافحت امي تتعملا وراق ودفعت كتير ونصبو عليها كتير ..الدولة الطائفية العنصرية ما عطتا هيدا الحق حتى بعض الناس عاملوها بعنصرية..اليوم الصبح بيوصلني خبر انا وعم بصور تقرير انها ماتت وهي نايمة..حزني مش من ارادة الله ابدا..بل من ظلم الحياة.."

وتابع دمج، "شكرا للجميع على تعازيهم بوفاة أختي "جسيكا" والشكر الكبير لبلدية برجا ضيعتي واهلها الطيبين، البلدية ما طلبت أي اوراق تعريف عنها ولا كان همن شو دينها بخلاف معظم مدافن بيروت ، وتم السماح بدفنها بقبر جدي ابو والدي، والوالد هو لي طلب بدفنا بقبر العيلة لانها بنتو رغم كل شي بكفي هو رباها والله ما عطاه بنات بس صبيان ..و امي الله يرحما وبابا بيعتقدو انو الإنسانية مش رابط الدم والجينات بس ..الإنسانية اعمق من هيك هي محبة الغير والدين... الله بس بحاسب عليه وما في انسان بيختار قدرو ما لها اهل غير نحن والله راد تكون امي وبابا هني اهلها لاخر لحطة بعمرا ..شكرا لبرجا واهلها رغم اني ما عشت فوق ابدا بس كنت بعرف "جدعنة" ولادا".

تابعوا آخر أخبار "Radar Scoop" عبر Google News، اضغط هنا