يا إمّي تَرَكونا جثث مع أعداء الله سنين ليعيش فسادن وكذبن!

- غارة إسرائيلية على منطقة الريحان في قضاء جزين - البطريرك الراعي: نحيّي وزيرة التربية ريما كرامي على سعيها للتوفيق بين الحفاظ على المستوى الأكاديمي العالي ومراعاة ظروف الطلاب المتأثرين بالحرب والتهجير - مكتب فضل الله: الثلاثاء هو بداية السنة الهجرية الجديدة 1448 وبداية شهر محرم - مسؤول إسرائيلي: اتفاق أميركا وإيران ليس نهاية اللعبة - مسؤول إسرائيلي: طلبنا من واشنطن عدم تقييد عملنا العسكري في لبنان - "الوكالة الوطنية": غارة على مبنى سكني في الدوير وقصف لميفدون وكفرتبنيت - "رويترز" عن مسؤول أمني باكستاني: يجري وضع اللمسات الأخيرة على مذكرة تفاهم لإنهاء الحرب بين واشنطن وطهران - هيئة البث الإسرائيلية: خفض مستوى التأهب ولا توقعات حاليًا بضربة ضد إيران - المتحدث باسم الخارجية الإيرانية إسماعيل بقائي: لن نناقش تفاصيل الملف النووي في هذه المرحلة - وزارة الصحة: ارتفاع حصيلة العدوان منذ 2 آذار إلى 3123 شهيدًا و9506 جرحى - غارتان إسرائيليتان استهدفتا بلدة جبشيت - الجيش الإسرائيلي: إنذار بإخلاء بلدات المحمودية ومليخ وشبيل والقطراني وحومين الفوقا والابتعاد 1000 متر عنها

الاكثر قراءة

حاول خداع الحاجز... فسقط بـ9 ملاحقات قضائية!

سياسيون وإعلاميون 'يتعاطون' الممنوعات... المحامية مريانا برو تفضح ملفات ستهز الرأي العام

شعبة المعلومات توقف أربعة أشخاص بالجرم المشهود

مختارات


					يا إمّي تَرَكونا جثث مع أعداء الله سنين ليعيش فسادن وكذبن!

كتبت الإعلامية ريما نجيم رسالة وجهتها الى كل أم شهيد كان ابنها في عداد العسكريين المخطوفين والتي وجدت رفاته اثر معركة فجر الجرود ووضعت "نجيم" نفسها مكان الجندي الذي اسشتهد واستُعمل كورقة تفاوض وبخبث وبجريمة اخفى المسؤولين معالمها وأرفقت رسالتها بصور للشهداء وامهاتهم جاء فيها:

يا إمّي ما تبكي …
من الـ٢٠١٥ وانا مستشهد ومن جوار الرب عم صلّيلك وإدعي يا رب لو فيك تردني دقيقة لاحضان إمّي أغمرك انا الغمرة الاخيرة وخبّرك انا الحقيقة وامسحلك دموعك بإيديّ …
من سنتين وانا خايف من هاللحظة جِرحك بقلبي يا أُمِّي
كنت شوف الأمل بعيونك
كنت اسمع صلواتك وادعيتك "ارجعلك بالسلامة"
كنت شوفك كيف عم تتبهدلي تحت خيمة
بركي اصحاب الضمائر الميتة بأعجوبة بتوعا وبتقول الحقيقة وبتوفّر عليك

شتي وبرد وشوب وإهانات
يا إمّي انا عارف حالي يمكن استشهد باي معركة انا جندي كل يوم كنت عايش انا والخطر وشبح الوطن
كنت كل يوم بوسك البوسة وافتكرها الاخيرة
وكنت كلما ارجع تحتفلي فيّ كأني خلقت من جديد
يا إمّي، هالمرة كمان انا خلقت من جديد
بس اللي حارقني
دموعك يا إمّي …
وجعك موجّعني مرتين
مرّة عليك يا كبيرة البيت يا حبيبة القلب والعمر والايام
ومرّة على حكام هالوطن
اللي استعملونا نحنا الأبطال ورقة تفاوض وبخبث وبجريمة اخفوا معالمها وحقيقتها عنّك
لعبوا بعواطفك يا ماعطوكي أمل كذاب لتعيشي لهالنّهار وتموتي موت مفاجئ
وهنّي يجوا يعزّوكي بابنك البطل !

يا إمّي تَرَكونا جثث مع أعداء الله سنين
يا إمّي مش هيدا" لبنان" اللي أقسمنا نستشهد كرمالو
هيدا لبنانن هنّي مستعدّين يقتلوا كلّ شي فينا
ليعيش فسادن وكذبن وثرواتن وعلاقاتن المحلية والإقليمية
يا إمّي ، قولي لابني إنّي استشهدت عنّو وعن كل اصحابو ليعيشوا متل ما بيحبّو
مش متل ما بيريدوا "أعداء الله" …
وقوليلوا جوّا يا بييّ في أعداء اكتر من برّا …
يا إمّي ، هيديك الأيام كانت صعبة وما بتتخبّر بتفاصيلها
يا إمّي نحنا كتير مرتاحين هون
يللي موّتنا … موت تاني،
موت وطن …
موت عدالة…
موت ضمائر …
يا إمّي ، كل ما يجي سياسي ياخد بالخاطر بكرا
اطردي برّا لان أصدقهم كذاب
وإذا استقبلتي قوليلوا ابني استشهد كرمال
وطن اسمو لبنان
كرمال حلم اسمو لبنان
مش كرمال أمثالكن يا خونة الوطن
وأوعا حدا يقول قدامك كلمة " دولة " …
قوليلوا بشموخ وكبر اليوم بدفُن رُفات ابني البطل
وبدفن معها دولة بكاملها …وخذي بالخاطر عنّي …
ابنك البطل
شهيد الدولة
وما تنسي تقوليلن …مبروك "النصر"

تابعوا آخر أخبار "Radar Scoop" عبر Google News، اضغط هنا

ريما نجيم |

2017 -

آب -

شارك هذا الخبر