حادثة لكاهن لبناني في إحدى المصارف اللبنانية

- ترامب: حققنا إنجازات كبيرة من بينها خفض أسعار الطاقة والمواد الغذائية - نتنياهو: كل من يرفع يده علينا سيصاب بضربات ساحقة غير مسبوقة - الوكالة الوطنية: الطيران الاسرائيلي المسير يحلق في اجواء الضاحية الجنوبية وعرمون - بشامون وخلدة - الوكالة الوطنية: مسيرة تحلق فوق كفرحتى والجوار على علو منخفض - رويترز: الولايات المتحدة تقدم للبنان 230 مليون دولار في إطار سعيها لنزع سلاح حزب الله - القناة 13 الإسرائيلية: البحرية الإسرائيلية سيطرت على 6 سفن كبيرة من أسطول الصمود - الهيئة الاتهامية برئاسة القاضي فادي العريضي تقرر اخلاء سبيل مدير عام الكازينو رولان خوري مقابل كفالة مالية - أمين المجلس الأعلى للأمن القومي الإيراني: لا أحد قادر على إزالة البرنامج النووي وسنظل قادرين على حفظ إنجازاتنا - إعلام سوري: مقتل شخص جراء استهداف منزله في بلدة التمانعة بريف إدلب الجنوبي من قبل طائرات يعتقد أنها تابعة للتحالف الدولي - الشيخ قاسم: لبنان صامد أمام التحديات والتهديدات الأميركية ـ الإسرائيلية - رئيس تيار المردة سليمان فرنجية لـ "المنار": نحن دائما نثق بإرادة المقاومة وبقيادتها الحكيمة والحريصة على لبنان ومستقبله ووحدته وعلى التنوع فيه - نتنياهو: هجوم الحوثي على المدن الإسرائيلية سيُقابل بضربة قاسية

الاكثر قراءة

شعبة المعلومات توقف شخصًا بجرم الاعتداء الجنسي على ابنته القاصر

مفرزة استقصاء البقاع تُوقِف مطلوبين في زحلة وبرّ الياس

بعد إطلاقهم النار وترهيب السكان.. أمن الدولة يوقف الفاعلين

مفرزة استقصاء بيروت توقف مروّجًا وتضبط بحوزته كمية من المخدّرات

متفرقات


					حادثة لكاهن لبناني في إحدى المصارف اللبنانية

إهانة ابن البلد بوطنو، وطن في بس.... خليها بالقلب تجرح
أعاد الخوري كامل كامل نشر هذا المقال فكتب: في إشيا بتمنى تنذكر وما تنعاد، لكن للأسف بهل بلد (لبنان) مش ضروري تنذكر بس بتنعاد وبزيادة!

مبارح كان أول الاسبوع، رحت عالبنك تإدفع سند استحق عليّ، ومتل العادي كنت حامل عملتي الوطنية، متل أيا مواطن بالعالم بيتعامل بالنقد البلدي. لمن شافت الموظفة العملة اللبنانية، كشّت وقالتلي بكل جديّة واختصار:”ما مناخد لبناني…” اتطلّعت فيها منيح فكرتها عم تمزح، لكن كشّت أكتر وما هما تشرحلي أكتر…

فكرت بلكي أنا غلطان وانتقلت بالزمن ع شي بلد تاني غير لبنان، لكن البنت بتحكي لبناني والشارع برا بجبيل، والناس بتحكي لبناني، يعني أنا بلبنان…. ع فوءا هيدي مش أول مرة بدفع السند بالليرة الشهر الماضي دفعت والبنك ذاتو، قلتلها ما معي دولار، قالت بدك تروح تصرف برّا… هون تأكدت إنو القصة جديّة البنت ما عم تمزح، وأنا ما رح إمزح. قلتلها مجبورة بحسب القانون تقبضي باللبناني، لأنو انت بلبنان ومجتمع مدفوعات الليرة اللبنانية هوي النطاق الجغرافي للدولة اللبنانية…ما جاوبت، قامت بسرعة وفاتت لعند المدير وبعد شي دقيقتين وصل المدير، شب مهيوب وطويل ومبين إنو رياضي، قللي مسيو مش عارف انو في تدبير إداري بالمصارف ما بياخدو لبناني لدفع سندات الدولار؟ قلتلو: لا مش عارف، بس هيدا التدبير طالع من مصرف لبنان، قللي لأ، بس ماشي بين المصارف ع الألوو… قلتلو بس انت بتعرف انو هيدا مخالف للقانون وما الك حق ترفض العملة اللبنانية، قللي مظبوط بس ما بقدر اعمل شي، وكل المصارف بيعملوا هيك، وسمّالي المصرف الفلاني اللي هوي زبون عندو، قلتللو ما بدفع الا باللبناني، صرف دولار بالسعر الرسمي واعطيني السند، أو فرجيني مذكرة مصرف لبنان… قللي لمرة وحدة تكرم عينك، انت معك حق بس هيدا الواقع المصارف ما بدها تخلا من الدولار.قلتللو بس هيدا اسمو إنهيار لعملة البلد وإهانة لابن البلد بقلب البلد… قللي مسيوو عن أي بلد عم تحكي ليش بعد في بلد؟؟؟!!!

دفعت السند باللبناني ورحت بطريقي أسأل حالي أنا بأيّا بلد وعن جدّ بعد في بلد؟؟

إهانة ابن البلد بالكهرباء، بعز دين الحرب كان في كهربا وهلق لأ… شو بدنا نقول لصباح وغنيتها نورتونا يا حبايب طفو نور الكهربا الهيئة كترو الحبايب…

إهانة ابن البلد بالمي، ولبنان أغنى بلد بالشرق كلو بالمي، والمي مقطوعة يا أفندي…

إهانة ابن البلد بالشغل، شغل في بس مش لابن البلد…

إهانة ابن البلد، بالتعليم، تعليم في بس مش قدرة ابن البلد…

إهانة ابن البلد بالصحة، صحة في بس أكبر مجرور بلبنان يللي هوي نهر الليطاني عم يهدد صحة ابن البلد…

إهانة ابن البلد بالبيئة، بيئتو حلوة بس الزبالة حرقت سلاّف ابن البلد…

إهانة ابن البلد عالطرقات، قانون سير في بس ما بيطبق بالبلد…

إهانة ابن البلد بهويتو، هوية في بس هالهوية ما بتمشي بأيا بلد…

إهانة ابن البلد بمستقبلو، مستقبل في بس مش بهيدا البلد…

إهانة ابن البلد بوطنو، وطن في بس…. خليها بالقلب تجرح

تابعوا آخر أخبار "Radar Scoop" عبر Google News، اضغط هنا

aleteia

2019 -

أيلول -

شارك هذا الخبر