أخ منك إنت ما غيرك، صاحب المقولة الشهيرة "شاطر"، باللبناني الشاطر هوي الشخص اللي إذا وصلتو لمنصب "بظبط حالو"، يعني بالعربي المشبرح واللي مش مشبرح، بياخد أكتر من معاشو، بدبر كومسيون من هون، عمولة من هونيك، بزدلو صفر على شي مليون.. وهكذا دواليك.
عرفتو ليش بلبنان، كتير صعبة نكافح الفساد ونمنع السرقة والنصب، لأنو "حبيب قلبنا" الشاطر، طلع شاطر ومكتر، الحنفية مفتوحة ادامو، وأديش رح يكون يصب عليه يحمل لقب "أهبل"، أهبل بلبنان يلي بس بعيش على معاشو، مابعرف اديش بعد في هبلان بهالبلد.
وبالإخر بين الشاطر وبين الأهبل، البلد راح فراطة، و"بعدكن بتحكوني بالليسترين".
تابعوا آخر أخبار "Radar Scoop" عبر Google News،
اضغط هنا